Լոնդոնում մեկնարկել է Եվրոպայի խոշորագույն երկրների ղեկավարների մասնակցությամբ գագաթնաժողովը. ՈՒՂԻՂ ՄԻԱՑՈՒՄ

Լոնդոնում մեկնարկել է Եվրոպայի խոշորագույն երկրների ղեկավարների մասնակցությամբ գագաթնաժողովը։

Միջոցառումը տեղի է ունենում Սպիտակ տանն Ուկրաինայի և ԱՄՆ-ի նախագահներ Վլադիմիր Զելենսկու և Դոնալդ Թրամփի միջև հրապարակային վեճից երկու օր անց։ Եվրոպացի առաջնորդները կքննարկեն Ուկրաինային հետագա աջակցությունը և պատերազմը դադարեցնելու քայլերը՝ ԱՄՆ-ի կողմից Կիևին ռազմական օգնությունը դադարեցնելու սպառնալիքի և Կիևի և Վաշինգթոնի միջև հարաբերությունների կտրուկ սառեցման ֆոնին։

Մեծ թվով եվրոպացի առաջնորդներ ժամանել են Լոնդոնի կենտրոնում գտնվող Lancaster House, որտեղ Մեծ Բրիտանիայի վարչապետ Քիր Սթարմերը գագաթնաժողով է անցկացնում, հայտնում է Sky News-ը։

Առաջին ժամանողներից էին Ֆրանսիայի նախագահ Էմանուել Մակրոնը և Լեհաստանի վարչապետ Դոնալդ Տուսկը։

Ժամանել են նաև ՆԱՏՕ-ի գլխավոր քարտուղար Մարկ Ռյութեն, Շվեդիայի վարչապետ Ուլֆ Քրիսթերսոնը, Չեխիայի վարչապետ Պետր Ֆիալան, Կանադայի վարչապետ Ջասթին Թրյուդոն, Նորվեգիայի վարչապետ Յոնաս Գահր Ստյորեն, Թուրքիայի արտգործնախարար Հաքան Ֆիդանը և Եվրոհանձնաժողովի նախագահ Ուրսուլա ֆոն դեր Լեյենը։

Գագաթնաժողովի վայր է ժամանել նաև Ուկրաինայի ղեկավար Վլադիմիր Զելենսկին։