«Զելենսկի-Թրամփ վիճաբանությունը ցույց տվեց՝ որքան դժվար կլինի կարգավորումը»․ Պեսկով

ՌԴ նախագահի մամուլի քարտուղար Դմիտրի Պեսկովն անդրադարձել է Սպիտակ տանը տեղի ունեցած միջադեպին, որտեղ Ուկրաինայի նախագահ Վլադիմիր Զելենսկին ԱՄՆ նախագահ Դոնալդ Թրամփից Կիևի համար անվտանգության երաշխիքներ է պահանջել։

«Զելենսկու և Թրամփի միջև վեճը ցույց տվեց, թե որքան դժվար կլինի Ուկրաինայում կարգավորումը»,- ասել է ՌԴ նախագահի մամուլի քարտուղարը՝ հավելելով, որ Սպիտակ տանը Զելենսկու խոսքերը ևս մեկ անգամ ապացուցեցին, որ Պուտինը ճիշտ էր․ կարգավորման հարցում Մոսկվայի բաց լինելը բախվում է Կիևի դժկամությանը։

«Վաշինգթոնում տեղի ունեցածն աննախադեպ իրադարձություն էր, որը ցույց տվեց Զելենսկու՝ դիվանագիտական ​​հմտությունների իսպառ բացակայությունը»,- ասել է Պեսկովը։