«Ուկրաինան պատրաստ է համաձայնագիրն ստորագրել ցանկացած պահի և ցանկացած ձևաչափով». Զելենսկին ափսոսանք է հայտնել Թրամփի հետ վեճի համար

Ուկրաինայի նախագահ Վլադիմիր Զելենսկին մարտի 4-ին հայտարարել է, որ ափսոսում է փետրվարի վերջին Օվալաձև աշխատասենյակում իր և ԱՄՆ նախագահ Դոնալդ Թրամփի միջև տեղի ունեցած վիճաբանության համար։
X սոցիալական ցանցի իր էջում նա գրել է. «Ուզում եմ ևս մեկ անգամ ընդգծել, որ Ուկրաինան ձգտում է խաղաղության։
Մեզնից ոչ ոք անվերջանալի պատերազմ չի ուզում. Ուկրաինան պատրաստ է որքան հնարավոր է շուտ նստել բանակցությունների սեղանի շուրջ՝ վստահելի խաղաղությունը մերձեցնելու համար։ Ոչ ոք ավելի շատ խաղաղություն չի ուզում, քան ուկրաինացիները: Ես և իմ թիմը պատրաստ ենք աշխատել նախագահ Թրամփի ուժեղ ղեկավարության ներքո՝ կայուն խաղաղության հասնելու համար։
Մենք պատրաստ ենք արագ աշխատել պատերազմն ավարտելու համար, և մեր առաջին քայլերը կարող են լինել գերիների ազատ արձակումը, օդում կրակի անհապաղ դադարեցումը, հրթիռների, հեռահար անօդաչուների արգելումը, էներգետիկ և այլ քաղաքացիական ենթակառուցվածքների ռմբակոծման դադարեցումը, ծովում անհապաղ զինադադարի հաստատումը, եթե Ռուսաստանը նույնը անի։ Այնուհետև մենք ցանկանում ենք շատ արագ անցնել բոլոր հաջորդ փուլերը և ԱՄՆ-ի հետ միասին պայմանավորվել վերջնական ամուր համաձայնության շուրջ։
Մենք իսկապես գնահատում ենք, թե որքան բան է Ամերիկան արել՝ օգնելու Ուկրաինային՝ պահպանել իր ինքնիշխանությունն ու անկախությունը։ Եվ մենք հիշում ենք այն ջրբաժան պահը, երբ նախագահ Թրամփն Ուկրաինային Javelin-ներ տվեց։ Մենք շնորհակալ ենք դրա համար:
Ուրբաթ օրը Վաշինգթոնում՝ Սպիտակ տանը, մեր հանդիպումը չանցավ այնպես, ինչպես նախատեսված էր։ Ամոթ է, որ դա տեղի ունեցավ: Ժամանակն է ամեն ինչ ճիշտ ուղու վրա դնելու: Մենք կցանկանայինք, որ հետագա համագործակցությունը և շփումը կառուցողական լինեն:
Ինչ վերաբերում է օգտակար հանածոների և անվտանգության պայմանագրին, ապա Ուկրաինան պատրաստ է այն ստորագրել ցանկացած պահի և ցանկացած հարմար ձևաչափով։ Մենք այս համաձայնագիրը դիտարկում ենք՝ որպես անվտանգության և հուսալի երաշխիքների ամրապնդմանն ուղղված քայլ, և ես անկեղծորեն հույս ունեմ, որ այն արդյունավետ կաշխատի»։

«Հայաստանը որևէ հիդրո ծրագիր իրականացնելիս պետք է հաշվի առնի նաև հարևանի շահերն ու հետաքրքրություննները». Թաթուլ Հակոբյան
98Երեկ, 20:30
«Եռակողմ բանակցությունների ընդլայնման հարցը Ռուսաստանի հետ չի համաձայնեցվել». Ուշակով
162Երեկ, 19:49
«Ոնց որ կորցրել ա բանանը․ ես հոգեբույժ չեմ, չեմ կարող պատասխանել»․ Էդգար Ղազարյան (տեսանյութ)
118Երեկ, 17:36
«Իր գազի կալոնկայի տեղը կարող ա ինքը գիտի, իմի տեղը որ ցույց տա՝ ուրախ կլինեմ»․ Էդգար Ղազարյան (տեսանյութ)
124Երեկ, 17:30
«Ցանկացած մեկը, ով կպնում է ընտանիքին, պետք իմանա, որ պատասխան տալու է»․ Արա Պողոսյան (տեսանյութ)
103Երեկ, 17:24
«Պուտինի, Թրամփի և Սի Ծինփինի հանդիպումը տեղի կունենա առանց նախապես համաձայնեցված օրակարգի»․ #FT
233Երեկ, 17:13
«Եթե էս ռոբոտին ուղարկենք բանակցությունների, ավելի լավ արդյունքներ կունենանք»․ Սաթիկ Սեյրանյան (տեսանյութ)
100Երեկ, 17:06
«Նիկոլ Փաշինյանը վախկոտ է»․ Էդգար Ղազարյան (տեսանյութ)
92Երեկ, 16:48