«Կարևոր նամակ եմ ստացել Զելենսկուց»․ Թրամփ

ԱՄՆ նախագահ Դոնալդ Թրամփը հայտարարել է, որ երեքշաբթի նամակ է ստացել Վլադիմիր Զելենսկուց, որում վերջինս հայտնել է Ուկրաինայում հակամարտության խաղաղ կարգավորման շուրջ բանակցությունների պատրաստակամության մասին։

«Այսօր ես կարևոր նամակ եմ ստացել Ուկրաինայի նախագահ Զելենսկուց։ Նամակում ասվում է, որ Ուկրաինան պատրաստ է որքան հնարավոր է շուտ նստել բանակցությունների սեղանի շուրջ՝ երկարաժամկետ խաղաղությունը մոտեցնելու համար»,- ասել է Թրամփը՝ ելույթ ունենալով ԱՄՆ Քոնգրեսի Ներկայացուցիչների պալատում և Սենատում։

«Նամակում նշվում է, որ Զելենսկին և նրա թիմը պատրաստ են աշխատել Թրամփի ղեկավարության ներքո՝ երկարաժամկետ խաղաղության հասնելու համար։ Զելենսկին իր ուղերձում նաև նշել է, որ Ուկրաինան պատրաստ է ցանկացած պահի ռեսուրսների վերաբերյալ գործարք կնքել»,- հավելել է ԱՄՆ նախագահը։