«Ուկրաինայի հակամարտությունը միջնորդավորված պատերազմ է ԱՄՆ-ի և ՌԴ-ի միջև»․ Ռուբիո

Ուկրաինայի հակամարտությունը միջնորդավորված պատերազմ է ԱՄՆ-ի և Ռուսաստանի միջև, խոստովանել է ԱՄՆ պետքարտուղար Մարկո Ռուբիոն։

«Նախագահ Թրամփը կարծում է, որ սա ձգձգվող հակամարտություն է, որը մտել է փակուղի: Եվ, անկեղծ ասած, սա միջնորդավորված պատերազմ է միջուկային տերությունների՝ ԱՄՆ-ի, որն օգնում է Ուկրաինային, և Ռուսաստանի միջև»:

Ռուբիոն հավելել է, որ և՛ Կիևը, և՛ ամերիկյան Քոնգրեսը, և այլ երկրներ նախկինում կարծում էին, որ բավական է պարզապես «նրանց (Ուկրաինային) տալ այն ամենը, ինչ անհրաժեշտ է՝ այնքան ժամանակ, քանի դեռ դրա կարիքն ունեն նրանք։ Բայց դա ռազմավարություն չէ»,- համոզված է ԱՄՆ պետքարտուղարը։