Թրամփին քննադատելու պատճառով Նոր Զելանդիայում Բրիտանիայի դեսպանը հեռացվել է պաշտոնից

Մեծ Բրիտանիայում Նոր Զելանդիայի դեսպան Ֆիլ Հոֆֆը հեռացվել է պաշտոնից այն բանից հետո, երբ քննադատական ​​մեկնաբանություն է արել ԱՄՆ նախագահ Դոնալդ Թրամփի և Մոսկվայի հետ հարաբերություններ հաստատելու նրա ջանքերի վերաբերյալ, հայտնում է ABC-ն։
Լոնդոնում կայացած ֆորումի ժամանակ դեսպանը Ռուսաստանի հետ հարաբերությունները ապասառեցնելու նախագահ Թրամփի ջանքերը հակադրել է Ուինսթոն Չերչիլի գործողություններին:

Չերչիլը դատապարտել էր վարչապետ Նևիլ Չեմբերլենին Մյունխենի համաձայնագիրը ստորագրելու համար։

Հոֆֆը մեջբերեց Չեմբեռլենին ուղղված Չերչիլի խոսքերը՝ «Դուք ընտրություն ունեիք պատերազմի և անպատվության միջև, ընտրեցիք անպատվությունը, բայց կստանաք պատերազմ»:
Այնուհետեւ Հոֆֆը հարց է ուղղել Ֆինլանդիայի արտգործնախարարին՝ «Նախագահ Թրամփը Չերչիլի կիսանդրին վերադարձրել է Օվալաձև աշխատասենյակ: Կարծում եք նա իսկապե՞ս հասկանում է պատմությունը», - ասել է դիվանագետը։
Նոր Զելանդիայի արտաքին գործերի նախարար Ուինսթոն Փիթերսն այսօր իր հայտարարության մեջ նշել է, որ Հոֆֆի մեկնաբանությունները «խորապես հիասթափեցնող են»:
«Դրանք չեն արտացոլում Նոր Զելանդիայի կառավարության տեսակետները և անվավեր են դարձնում Լոնդոնում գերագույն հանձնակատարի նրա պաշտոնը», - հայտնել է արտգործնախարարը։