Լեհաստանը սկսել է արտաքսել վրացի և օտարերկրացի այլ իրավախախտների

Լեհաստանը սկսել է արտաքսել Վրաստանի և այլ երկրների քաղաքացիներին, ովքեր երկրում գտնվելու ժամանակ խախտել են օրենքները։

Երկրի վարչապետ Դոնալդ Տուսկն ընդգծել է, որ հիմնական թիրախը կլինեն վրացական խմբերը, քանի որ նրանք «շատ ակտիվ են»։ Արտաքսվածների առաջին խմբում 17 վրացի է եղել։

«Արտաքսումն սկսվել է, մենք իրականում ոչնչացնում ենք վրացական ավազակախմբերին»,- գրել է Տուսկը X հարթակում։

Արտաքսվածները 24-ից 58 տարեկան տղամարդիկ էին։ Նրանց թվում կան գողության, Լեհաստանում գտնվելու կանոնների խախտման կամ պետական ​​սահմանը ապօրինի հատելու համար դատապարտված անձինք։