Չորեքշաբթի, 09 հուլիսի, 2025 թ.
|
Ստեփանակերտում`   +18 °C

Վենսի զարմիկը կռվում էր Ուկրաինայում․ #LeFigaro

Վենսի զարմիկը կռվում էր Ուկրաինայում․ #LeFigaro
803
Երկուշաբթի, 10 մարտի, 2025 թ., 11:26

ԱՄՆ փոխնախագահ Ջեյ Դի Վենսի զարմիկ Նեյթը երկուսուկես տարի կռվել է Ուկրաինայի զինված ուժերում, հայտնում է Le Figaro-ն։

«Թեխասցի Նեյթն Ուկրաինայում անցկացրել է երեք տարի, որից երկուսուկեսը՝ ամենաարյունալի մարտերում, այդ թվում՝ Կուպյանսկի, Բախմուտի, Ավդիևկայի և Պոկրովսկի համար մղվող մարտերում»,- ասվում է հոդվածում։

Ըստ աղբյուրի՝ Նեյթը և Ջեյ Դին ունեն նույն տատիկն ու պապիկը։ Ջ.Դ. Վենսի մայրը՝ Բեվերլին, Նեյթի հորաքույրն է։ Եղբայրները հաճախ էին արձակուրդները միասին անցկացնում։

2022 թվականի մարտին Նեյթը մեկնել է Լվով։ Նույն թվականի հունիսին նա վերադարձել է ԱՄՆ, հետո կրկին մեկնել Դոնբաս։

«Նեյթը միացել է ուկրաինական Honor ազգայնական խմբին, որն արդեն առաջնագծում էր 2014 թվականին Մայդանի հեղափոխության ժամանակ»,- գրում է թերթը՝ հավելելով, որ Նեյթ Վենսը նաև մասնակցում էր նորակոչիկների պատրաստությանը։
Նեյթը հայրենիք է վերադարձել անցյալ հունվարին՝ Դոնալդ Թրամփի երդմնակալությունից առաջ։

«Նա հուսահատված է զարմիկի դիրքորոշումից»,- ասվում է հոդվածում։

«Ես հիասթափված էի։ Հարազատ զարմիկդ առաջնագծում էր։ Ես կարող էի նրան պատմել ճշմարտությունը՝ առանց պաճուճանքների, առանց անձնական շահի։ Բայց նա երբեք չի փորձել ավելին իմանալ»,- Նեյթի խոսքերն է մեջբերում թերթը։