Ուկրաինայի պատվիրակությունը ժամանել է Սաուդյան Արաբիա

Ուկրաինայի պատվիրակությունը ժամանել է Ջիդդա (Սաուդյան Արաբիա), որտեղ այսօր բանակցություններ են տեղի ունենալու ԱՄՆ ներկայացուցիչների հետ։

Այդ մասին Telegram-ում հայտնել է ուկրաինական պատվիրակության ղեկավար, նախագահի աշխատակազմի ղեկավար Անդրեյ Երմակը։

«Թիմը տեղում է։ Մենք պատրաստվում ենք աշխատանքի։ Պաշտպանելով ուկրաինական շահերը, պատերազմի ավարտի հստակ տեսլականը, արդյունավետ կաշխատենք ամերիկացի մեր գործընկերների հետ»,- նշել է Երմակը։

ԱՄՆ պատվիրակությունը գլխավորում է պետքարտուղար Մարկո Ռուբիոն, ազգային անվտանգության հարցերով խորհրդական Մայք Ուոլցը, նախագահի հատուկ բանագնաց Սթիվ Ուիթկոֆը։

Ուկրաինական կողմը ներկայացնում են Զելենսկու գրասենյակի ղեկավար Անդրեյ Երմակը, արտգործնախարար Անդրեյ Սիբիհան, պաշտպանության նախարար Ռուստեմ Ումերովը և ռազմական օգնական Պավլո Պալիսան։ Նախագահ Զելենսկին կլինի Էր Ռիադում։