Հինգշաբթի, 18 սեպտեմբերի, 2025 թ.
|
Ստեփանակերտում`   +20 °C

«Ուկրաինան ձգտում է խաղաղության և պատրաստ է բանակցել պատերազմն ավարտելու համար»․ Երմակ

«Ուկրաինան ձգտում է խաղաղության և պատրաստ է բանակցել պատերազմն ավարտելու համար»․ Երմակ
592
Երեքշաբթի, 11 մարտի, 2025 թ., 14:57

Ուկրաինան ձգտում է խաղաղության և պատրաստ է բանակցել պատերազմն ավարտելու համար։ Այս մասին Սաուդյան Արաբիայում ամերիկացի գործընկերների հետ բանակցությունների ժամանակ հայտարարել է Ուկրաինայի նախագահի գրասենյակի ղեկավար Անդրեյ Երմակը, հայտնում է CNN-ը։

«Պետք է քննարկել ամենակարևորը՝ ինչպես սկսել այս գործընթացը: Իսկ մենք շատ բաց ենք։ Մենք ցանկանում ենք շատ կառուցողական, խորը, բարեկամական, գործընկերության վրա հիմնված զրույց ունենալ մեր ամերիկացի գործընկերների հետ»,- Ջիդդայում լրագրողների հետ զրույցում ասել է Երմակը:

Նրա խոսքով՝ ԱՄՆ-ի անվտանգության երաշխիքներն Ուկրաինայի համար «շատ կարևոր» են, որպեսզի համաձայնության հասնելուց հետո Ռուսաստանին թույլ չտան կրկին հարձակվել:

Երմակը հավելել է, որ հանդիպման առաջնահերթությունը Մոսկվայի հետ բանակցությունների միջոցով խաղաղության հասնելու գործընթացի մեկնարկն է։ Միաժամանակ նա հրաժարվել է հստակեցնել, թե ինչ զիջումների է պատրաստ Ուկրաինան՝ խաղաղության համաձայնագրին հասնելու համար։