Պակիստանում զինյալները պատանդ են վերցրել գնացքի 450 ուղևորի

1966

Երեքշաբթի, 11 մարտի, 2025 թ., 16:02

Բելուջիստանի ազատագրման բանակի ծայրահեղական խմբավորման զինյալները Պակիստանում պատանդ են վերցրել գնացքի 450 ուղևորի։ Այս մասին Agence France-Presse-ին հայտնել է Բելուջիստան նահանգի երկաթուղային դեպարտամենտի բարձրաստիճան պաշտոնյա Մուհամմադ Քաշիֆը։

Geo TV-ի փոխանցմամբ՝ ծայրահեղականները պայթեցրել են երկաթուղային գծերը, ապա կրակ բացել գնացքի ուղղությամբ։ Վարորդը վիրավորվել է։

Հարձակման ժամանակ ինտենսիվ փոխհրաձգություն է տեղի ունեցել գնացքի անվտանգության աշխատակիցների և զինյալների միջև։