«Ռուսաստանը պետք է համաձայնի հրադադարին». Սթարմեր

«Սա կարևոր պահ է Ուկրաինայում խաղաղության համար. բոլորս պետք է կրկնապատկենք մեր ջանքերը՝ հնարավորինս արագ կայուն և ապահով խաղաղության հասնելու համար»,- ասել է Մեծ Բրիտանիայի վարչապետ Քիր Սթարմերը՝ ողջունելով Սաուդյան Արաբիայում բանակցությունների արդյունքները։
Նա կրկնել է ԱՄՆ պետքարտուղար Մարկո Ռուբիոյի խոսքերը՝ «գնդակն այժմ Ռուսաստանի դաշտում է». «Ռուսաստանը պետք է համաձայնի հրադադարին՝ դադարեցնելով ռազմական գործողությունները»,- նշել է նա։

Ավելի վաղ ԱՄՆ պետքարտուղար Մարկո Ռուբիոն հայտնել էր, որ ամերիկյան պատվիրակությունը Սաուդյան Արաբիայում Ուկրաինայի ներկայացուցիչների հետ հանդիպման ժամանակ առաջարկել է զինադադար և անհապաղ անցում բանակցություններին՝ նշելով, որ Կիևը սատարում է այդ առաջարկը:

Պետդումայի պատգամավոր, գեներալ Վիկտոր Սոբոլևն իր հերթին ասել էր, որ Ռուսաստանը չի համաձայնի Ուկրաինայի հետ զինադադարին: