Թրամփը հայտարարել է, որ հրադադարից հետո Ուկրաինայում հակամարտությունը կավարտվի 

ԱՄՆ-ի նախագահ Դոնալդ Թրամփը հայտարարել է, որ ակնկալում է, որ ուկրաինական հակամարտությունը կլուծվի Ուկրաինայում հրադադարի հաստատումից հետո։
«Մենք բոլորս աշխատում ենք, որպեսզի դա ավարտվի: Սա խելագարություն է հանուն ոչնչի: Կարծում եմ, որ դրան հասնելու հնարավորություն կա և դրա կեսը հրադադարն է: Եթե մենք ստիպենք Ռուսաստանին՝ դադարեցնել, կլինի լիարժեք զինադադար: Եվ ես չեմ կարծում, որ վերադարձ պատերազմին էլ երբեք չի լինի»,- ասել է Թրամփը Սպիտակ տանը լրագրողների հետ զրույցում:
Նախօրեին բանակցություններ են տեղի ունեցել Ուկրաինայի և ԱՄՆ-ի պատվիրակությունների միջև, որից հետո ամերիկյան վարչակազմը կոչ է արել անհապաղ հրադադար հաստատել։ Վլադիմիր Զելենսկու գրասենյակը բանակցություններից հետո հրապարակել է Կիևի և Վաշինգթոնի համատեղ հայտարարությունը, որում նշվում է, որ Ուկրաինան պատրաստ է 30-օրյա հրադադարի մասին ԱՄՆ առաջարկին, որը կարող է երկարաձգվել կողմերի համաձայնությամբ։ Փաստաթղթում նշվում է նաև, որ ԱՄՆ-ն անմիջապես կվերացնի հետախուզական տվյալների փոխանակման դադարը և կվերսկսի ռազմական մատակարարումներն Ուկրաինային։ ԱՄՆ-ի նախագահ Դոնալդ Թրամփը հայտարարել է, որ Կիևը պատրաստ է ամբողջական հրադադարի, և այժմ Վաշինգթոնն սպասում է Մոսկվայի արձագանքին։