Հինգշաբթի, 10 սեպտեմբերի, 2026 թ.
|
Ստեփանակերտում`   +13 °C

«ՌԴ ռազմաբազան ավելի քան 8000 սիրիացիների է ապաստան տվել»․ Զախարովա

«ՌԴ ռազմաբազան ավելի քան 8000 սիրիացիների է ապաստան տվել»․ Զախարովա
810
Հինգշաբթի, 13 մարտի, 2025 թ., 16:56

Սիրիայում կառավարական ուժերի և երկրի նախկին նախագահ Բաշար Ասադի կողմնակիցների վերջին արյունալի բախումների ընթացքում Հմեյմիմում տեղակայված ռուսական ռազմաբազայում ավելի քան 8000 սիրիացիների են ապաստանել։ Այս մասին ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան՝ խոսելով Սիրիայում իրավիճակի կարգավորման հարցում Ռուսաստանի ներգրավվածության մասին։

«Մեր զինվորականներն ապաստան են տվել ավելի քան 8000 սիրիացիների։ Դրանք հիմնականում կանայք և երեխաներ էին, ովքեր ապաստան էին փնտրում ջարդերից փրկվելու համար», մանրամասնել է Զախարովան։

«Սա լավագույն պատասխանն է Սիրիայի ժողովրդի ճակատագրում Ռուսաստանի ունեցած իրական ներդրման մասին հարցին», եզրափակել է Զախարովան, հույս հայտնելով, որ Սիրիայում տեղի ունեցածի մեղավորներն արժանի պատիժ կկրեն։