«American Airlines» ավիաընկերության ինքնաթիռը վայրեջք կատարելիս վառվել է

1589

Ուրբաթ, 14 մարտի, 2025 թ., 11:14

Դենվերի օդանավակայանում այրվել է «American Airlines» ավիաընկերության մարդատար ինքնաթիռի շարժիչը։ Բոլոր ուղևորներն ու անձնակազմի անդամները տարհանվել են վթարային ելքերի միջոցով։ Այս մասին հայտնում է Reuters գործակալությունը:

Ըստ աղբյուրի՝ ինքնաթիռում եղել է 172 ուղևոր և անձնակազմի 6 անդամ։ Ուղևորներին տարհանել են ինքնաթիռի թևից։

Վերջին տվյալներով՝ 20 մարդ տեղափոխվել է հիվանդանոց։

Ինքնաթիռը բարեհաջող վայրէջք էր կատարել, բայց վերջին պահին շարժիչը բռնկվել է։ Հրդեհը մարվել է։

Վթարի պատճառները հետաքննվում են։