Թեհրանն ու Մինսկը ռազմական համագործակցության փաստաթուղթ են ստորագրել

Իրանը և Բելառուսի Հանրապետությունը ստորագրել են պաշտպանության ոլորտում երկկողմ հարաբերությունների ամրապնդման նպատակով համագործակցության փաստաթուղթ։

Չորեքշաբթի Մինսկում Իրանի պաշտպանության նախարար բրիգադային գեներալ Ազիզ Նասիրզադեն հանդիպել և բանակցություններ է վարել Բելառուսի պաշտպանության նախարար գեներալ Վիկտոր Խրենինի հետ։

Հանդիպման ընթացքում կողմերը քննարկել են Իրանի և Բելառուսի միջև ռազմական և պաշտպանական համագործակցության ընդլայնման հնարավորությունները՝ հատուկ ուշադրություն դարձնելով տարածաշրջանում խաղաղության և կայունության ամրապնդմանը, ինչպես նաև պաշտպանական դիվանագիտության զարգացմանը։