Հինգշաբթի, 18 սեպտեմբերի, 2025 թ.
|
Ստեփանակերտում`   +13 °C

«Դեռ վաղ է քննարկել ՀՀ-ի և Ադրբեջանի միջև խաղաղության պայմանագրի ստորագրման վայրը»․ Մամեդով

«Դեռ վաղ է քննարկել ՀՀ-ի և Ադրբեջանի միջև խաղաղության պայմանագրի ստորագրման վայրը»․ Մամեդով
659
Ուրբաթ, 14 մարտի, 2025 թ., 16:03

Դեռ վաղ է քննարկել Հայաստանի և Ադրբեջանի միջև խաղաղության պայմանագրի ստորագրման վայրը։

Ինչպես հաղորդում է ԱՊԱ-ն, այս մասին լրագրողներին հայտնել է Ադրբեջանի փոխարտգործնախարար Էլնուր Մամեդովը։

Նրա խոսքով՝ ադրբեջանական կողմը ակնկալում է, որ 1990-ականներից ի վեր Ադրբեջանի ինքնիշխան տարածքների նկատմամբ առկա պահանջները վերացվեն՝ ՀՀ Սահմանադրության մեջ համապատասխան փոփոխություն կատարելով և Մինսկի խումբը վերացնելով:

«Վերջին հարցով երկու պետություններն էլ կարող են դիմել ԵԱՀԿ-ին: Ադրբեջանական կողմն արդեն որոշ ժամանակ է՝ այս առաջարկն է անում՝ հաշվի առնելով, որ հակամարտությունը լուծված է: Ցավոք, հայկական կողմը դեռ չի արձագանքել համատեղ կոչին: Հուսով ենք, որ Հայաստանը մեզ կտեղեկացնի իր իրական մտադրությունների մասին», նշել է Մամեդովը:

«Հաշվի առնելով Հայաստանում ռևանշիստական ​​ուժերի գործունեությունը, մենք սա լուրջ ռիսկ ենք համարում», հավելել է Ադրբեջանի փոխարտգործնախարարը։