«Ավստրալիան պատրաստ է խաղաղապահներ ուղարկել Ուկրաինա»․ Ալբանեզե

402

Երկուշաբթի, 17 մարտի, 2025 թ., 10:26

Ավստրալիան միացել է «կամեցող» երկրների կոալիցիային՝ հաստատելով իր պատրաստակամությունը՝ Ուկրաինա խաղաղապահ զորքեր ուղարկելու հարցում։ Համապատասխան հայտարարությամբ հանդես է եկել երկրի վարչապետ Էնթոնի Ալբանեզեն։

Կառավարության ղեկավարը ևս մեկ անգամ հաստատել է Ավստրալիայի պատրաստակամությունը՝ «հաստատակամ ու անշեղորեն աջակցել Ուկրաինային»։

«Մենք բաց ենք ապագա խաղաղապահ ջանքերին մասնակցելու ցանկացած քննարկման համար», - ասել է նա՝ ընդգծելով, որ «դա դա բխում է Ավստրալիայի ազգային շահերից, քանի որ այն, ինչ տեղի է ունենում Եվրատլանտյան երկրներում, լուրջ հետևանքներ ունի հնդխաղաղօվկիանոսյան տարածաշրջանի համար»:

Ալբանեզը նաև հիշեցրել է, որ իր երկիրն արդեն ուղարկել է 1,5 միլիարդ ավստրալիական դոլար (950 միլիոն դոլար) Ուկրաինային օգնելու և նրա զինված ուժերը մարզելու համար, և խոստացել է ապագայում, «ելնելով Ավստրալիայի հնարավորություններից և համեմատական առավելություններից», աջակցել Կիևին՝ «այնքան ժամանակ, որքան անհրաժեշտ է»: