Սաակաշվիլին չորրորդ անգամ դատապարտվել է ազատազրկման

Թբիլիսիի դատարանը Վրաստանի նախկին նախագահ Միխայիլ Սաակաշվիլիին դատապարտել է 4,5 տարվա ազատազրկման՝ 2021 թվականի աշնանը պետական ​​սահմանն ապօրինի հատելու համար, երբ նա ութ տարվա բացակայությունից հետո գաղտնի վերադարձել էր երկիր։ Այս մասին հայտնում է TV Pirveli-ն։

Պետության նախկին ղեկավարի համար սա արդեն չորրորդ դատավճիռն է։ Երրորդը հայտարարվել էր մարտի 12-ին. Սաակաշվիլին ինը տարվա ազատազրկման էր դատապարտվել բյուջետային միջոցների խոշոր յուրացման գործով։ Նախկինում նա դատվել էր ևս երկու գործով՝ պատգամավոր Վալերի Գելաշվիլիին ծեծի ենթարկելու և United Bank of Georgia-ի աշխատակից Սանդրո Գիրգվլիանիին սպանողներին ներում շնորհելու համար։