Եմենում ԱՄՆ-ի հարվածների հետևանքով Իրանի ռազմական խորհրդականներ են զոհվել

Իրանի Իսլամական հեղափոխության պահապանների կորպուսի խորհրդականները զոհվել են մարտի 17-ին Հոդեյդայում հութիների ռազմական օբյեկտերի վրա ԱՄՆ-ի հարվածների հետևանքով: Այս մասին հայտնում է Sky News Arabia-ն՝ հղում կատարելով եմենական աղբյուրներին։

Նշվում է, որ սպանվածներն Իսլամական հեղափոխության պահապանների կորպուսի հատուկ ջոկատայինների ռազմական փորձագետներն էին:

Մարտի 17-ին ԱՄՆ ռազմաօդային ուժերը ավիահարվածներ էին հասցրել Եմենում գտնվող հութիների օբյեկտներին։

Ավելի վաղ հութիների դեմ գործողության շրջանակներում ԱՄՆ ռազմաօդային ուժերը հարձակումներ էին իրականացրել Եմենում նրանց թիրախների վրա։