Գուտերեշը «ցնցված է» Գազայի հատվածում Իսրայելի ավիահարվածներից

ՄԱԿ-ի գլխավոր քարտուղար Անտոնիո Գուտերեշը «ցնցված է» Գազայի հատվածում Իսրայելի հարվածներից, ասվում է ՄԱԿ-ի տարածած հայտարարության մեջ։

Գուտերեշը կոչ է արել հարգել հրադադարը, վերականգնել մարդասիրական օգնությունը, իսկ պատանդներին անվերապահորեն ազատ արձակել։

Ավելի վաղ Իսրայելի պաշտպանության բանակը վերսկսել էր հարվածները Գազայի հատվածում։ Իսրայելի վարչապետ Բենիամին Նեթանյահուն հայտնել էր, որ հարձակումները շարունակվում են, քանի որ պաղեստինյան ՀԱՄԱՍ շարժումը հրաժարվել է ընդունել հրադադարը երկարաձգելու և պատանդներին ազատ արձակելու ամերիկյան ծրագիրը։