«Մենք չունենք այլ ընտրություն, քան՝ դիմադրելը»․ ՀԱՄԱՍ

Պաղեստինյան ՀԱՄԱՍ շարժումը կշարունակի զինված դիմադրություն ցույց տալ Իսրայելին՝ չունենալով այլ ընտրություն, РИА Новости-ին հայտնել է Լիբանանում ՀԱՄԱՍ-ի քաղաքական ղեկավարության անդամ Բասամ Խալաֆը։
«Բոլոր առկա տարբերակները դրված են սեղանին, մենք կշարունակենք դիմադրել և չենք զիջի»,- ասել է Խալաֆը:

Շարժման ներկայացուցչի խոսքով՝ «Իսրայելի գործողությունները և Գազայի ռմբակոծումը սպասելի էին, երբ ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆը խոսեց Եմենի իրադարձությունների մասին, ով, ըստ էության, Իսրայելին կանաչ լույս տվեց՝ վերադառնալու զանգվածային սպանություններին։ Բացի այդ, երկու շաբաթ առաջ սկսված անկլավի շրջափակումը պատերազմի վերսկսման հնարավորության հստակ նշան էր»,- հայտարարել է Խալաֆը: