Զելենսկին համաձայնել է մասնակի զինադադարին

Ուկրաինայի նախագահ Վլադիմիր Զելենսկին հայտարարել է, որ Կիևը կաջակցի էներգետիկ ենթակառուցվածքների վրա հարձակումները դադարեցնելու գաղափարին։
«Մենք միշտ պահպանել ենք էներգետիկ ոլորտին ոչ մի զենքով չհարվածելու դիրքորոշումը»,- ընդգծել է նա։

Զելենսկին նաև նշել է, որ Ռուսաստանը հարձակողական գործողություններ է նախապատրաստում մի քանի ուղղություններով։ «Պուտինը ցանկանում է հարձակողական գործողություններ ձեռնարկել Զապորոժիեի ուղղությամբ, արևելքում, Խարկովի և Սումիի ուղղություններով: Ինչո՞ւ առավելագույն ճնշում գործադրել Ուկրաինայի վրա, իսկ հետո վերջնագրեր դնել ուժի դիրքերից»,- ասել է նախագահը։

Մարտի 18-ին հեռախոսազրույց է տեղի ունեցել Դոնալդ Թրամփի և Վլադիմիր Պուտինի միջև, որում քննարկվել է Ուկրաինայի դեմ Ռուսաստանի պատերազմը։