Ձերբակալվել է Ստամբուլի քաղաքապետը

Թուրքիայի իշխանությունները ձերբակալել են Ստամբուլի ընդդիմադիր քաղաքապետ, Ռեջեփ Թայիփ Էրդողանի գլխավոր քաղաքական մրցակից Էքրեմ Իմամօղլուին: Ոստիկանության գործողությունը կապված է կոռուպցիոն հանցագործությունների հետաքննության հետ։ Պետական Anadolu-ն հայտնում է, որ դատարանը ձերբակալության հրամաններ է տվել նաև 100 այլ անձանց, այդ թվում գործարարների և լրագրողների։
Իմամօղլուն չորեքշաբթի վաղ առավոտյան սոցկայքի իր էջում գրել էր, որ իր տան դիմաց հարյուրավոր ոստիկաններ են գտնվում:
CNNTurk-ը հաղորդում է, որ ոստիկանական ուժերը խուզարկել են քաղաքապետի տունը:

Իմամօղլուն այժմ գտնվում է ոստիկանության գլխավոր վարչությունում: