Իսրայելը վերսկսել է ցամաքային գործողությունները Գազայի հատվածում

Իսրայելի պաշտպանության բանակը ցամաքային գործողություններ է սկսել Գազայի հատվածի կենտրոնական և հարավային մասերում։ Այս մասին Telegram ալիքով հայտնել է Իսրայելի զինված ուժերի մամուլի ծառայությունը։

Իսրայելի ՊԲ հիմնական նպատակներն էին «ընդլայնել անվտանգության գոտին» և «մասնակի բուֆերային գոտի ստեղծել» Գազայի հատվածի հյուսիսում և հարավում:

Բացի այդ, բանակը որոշել է Գոլանի բրիգադը տեղակայել Իսրայելի հարավում։

«Զինվորականները կմնան լիակատար մարտական ​​պատրաստության վիճակում Գազայի հատվածում գործողությունների համար», ասվում է հայտարարության մեջ։

Ավելի վաղ գործակալությունը հաղորդել էր Գազայի հատվածում «լայնածավալ հարվածների», այդ թվում՝ պաղեստինյան ՀԱՄԱՍ շարժման ենթակառուցվածքներին հարվածներ հասցնելու մասին:

Al Jazeera-ի տվյալներով՝ մարտի 19-ին Գազայի հատվածում Իսրայելի հարձակման հետևանքով 70 պաղեստինցի է զոհվել։