«Եվրոպան վերածվել է «պատերազմի կուսակցության»»․ Պեսկով

Եվրոպան ռազմականացվել է և վերածվել «պատերազմի կուսակցության», որը կտրուկ հակադրվում է խաղաղ կարգավորման հասնելու՝ Մոսկվայի և Վաշինգթոնի վճռականությանը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Մենք ամեն օր Բրյուսելից բազմաթիվ ազդանշաններ ենք ստանում: Բրյուսելից և եվրոպական մայրաքաղաքներից ազդանշաններն առայժմ հիմնականում վերաբերում են Եվրոպայի ռազմականացման ծրագրերին, ինչն ակնհայտորեն հակասում է խաղաղ կարգավորման գործընթացի ուղիներ փնտրելու՝ Ռուսաստանի և Միացյալ Նահանգների նախագահների վերաբերմունքին», նշել է Պոսկովը՝ հավելելով, որ Մոսկվան Բրյուսելից ոչ մի ազդանշան չի ստացել բանակցային գործընթաց սկսելու պատրաստակամության մասին։