Ուրբաթ, 17 ապրիլի, 2026 թ.
|
Ստեփանակերտում`   +9 °C

ԱՄՆ-ի պատվիրակությունը Քաբուլում հանդիպել է Աֆղանստանի ներկայացուցիչների հետ

ԱՄՆ-ի պատվիրակությունը Քաբուլում հանդիպել է Աֆղանստանի ներկայացուցիչների հետ
848
Հինգշաբթի, 20 մարտի, 2025 թ., 18:15

Աֆղանստանի արտաքին գործերի նախարար Ամիր Խան Մութթաքին հինգշաբթի օրը Քաբուլում հանդիպել է ԱՄՆ-ի պատվիրակության հետ։ Այս մասին հայտնում է Աֆղանստանի ԱԳՆ-ի մամուլի ծառայությունը։

«Հանդիպման ընթացքում քննարկվել են երկկողմ հարաբերությունները, բանտարկյալների ազատ արձակումը և ԱՄՆ-ում Աֆղանստանի քաղաքացիների հյուպատոսական ծառայությունները»,- ԱԳՆ-ի հայտարարությունը մեջբերում է Reuters-ը։

Գործակալության տվյալներով՝ հանդիպմանն ամերիկյան կողմը ներկայացրել են իսրայելցի պատանդների հարցով ԱՄՆ-ի նախկին հատուկ բանագնաց Ադամ Բոուլերը, ինչպես նաև Աֆղանստանում Վաշինգթոնի նախկին հատուկ ներկայացուցիչ Զալմայ Խալիլզադը։