«Մեր հարաբերությունների դինամիկան հաստատում է մեր ժողովուրդների խոր կապերը»․ Կոբախիձե

Վրաստանի վարչապետ Իրաքլի Կոբախիձեն Երևանում վարչապետ Նիկոլ Փաշինյանի հետ հանդիպման վերաբերյալ գրառում է կատարել․ «Նիկոլ Փաշինյանի հետ մեր զրույցը համապարփակ էր և վերաբերում էր մեր ռազմավարական գործընկերությանը, ինչպես նաև տարածաշրջանային և գլոբալ առանցքային խնդիրներին։ Մեր հարաբերությունների ուժեղ և դրական դինամիկան՝ ամրապնդված մարզական և մշակութային կապերով, հաստատում է մեր ժողովուրդների միջև առկա խորը կապերը»,- գրել է Վրաստանի վարչապետը։

Հիշեցնենք, որ նախօրեին ՀՀ վարչապետ Նիկոլ Փաշինյանը կառավարությունում հյուրընկալել է Վրաստանի վարչապետին։ «Միասին այսօր կհետևենք Հայաստանի և Վրաստանի ֆուտբոլի ազգային հավաքականների հանդիպմանը»,- գրել էր Փաշինյանը։