«ՀՀ-ի և ՌԴ-ի հարաբերությունները չեն խզվել»․ Պեսկով

ՌԴ նախագահի մամուլի քարտուղար Դմիտրի Պեսկովը Հայաստանը բարեկամ երկիր է անվանել Ռուսաստանի համար։
«Հայաստանը մեզ համար բարեկամ երկիր է, ինքնիշխան պետություն, մենք շատ ընդհանրություններ ունենք՝ և՛ երկկողմ, և՛ պատմական, և՛ մշակութային առումներով, ինչպես նաև ԵԱՏՄ-ի նման կարևոր ինտեգրացիոն կառույցի շրջանակներում»,- լրագրողներին ասել է Պեսկովը։

«Ռուսաստանի և Հայաստանի հարաբերությունները չեն խզվել, չեն էլ կարող խզվել, դրանք բարեկամ երկրներ են»,- հավելել է Պեսկովը։