Թուրքիայում ձերբակալվել է ավելի քան 340 ցուցարար

523

Շաբաթ, 22 մարտի, 2025 թ., 16:25

Թուրքիայում մարտի 21-ին տեղի ունեցած բողոքի ցույցերի արդյունքում 343 մարդ է բերման ենթարկվել, հայտարարել է Թուրքիայի ներքին գործերի նախարարը։ Նա պնդում է, որ ձերբակալությունները կատարվել են Ստամբուլի քաղաքապետարանի կողմից գլխավոր դատախազության հետ համաձայնեցված հետաքննության շրջանակներում։

Բողոքի ցույցերը տեղի են ունեցել Ստամբուլում, Անկարայում, Իզմիրում, Ադանայում, Անթալիայում, Չանաքքալեում, Էսքիշեհիրում, Քոնիայում և Էդիրնեում։

Հիշեցնենք՝ բողոքի ցույցերը երկրում սկսվել են մարտի 19-ին Ստամբուլի քաղաքապետ Էքրեմ Իմամօղլուի ձերբակալությունից հետո։ Նրան մեղադրում էին կոռուպցիայի և ահաբեկիչների հետ համագործակցության մեջ, սակայն նա հերքում է բոլոր մեղադրանքները։ Նա համարվում է Թուրքիայի նախագահ Ռեջեփ Թայիփ Էրդողանի հիմնական հակառակորդը։