ԱՄՆ-ն հարվածներ է հասցրել Եմենի օդանավակայաններից մեկին

ԱՄՆ զինված ուժերը երեք հարված են հասցրել Հոդեյդա քաղաքի օդանավակայանին, որը գտնվում է Եմենի արևմուտքում։

Այս մասին հայտնում է Al Masirah հեռուստաալիքը, որը պատկանում է արմատական Անսար Ալլահ շարժման հութիներին։

Ըստ հեռուստաալիքի՝ հարվածների թիրախ են դարձել ապստամբների կողմից օգտագործվող զենքի պահեստները, ինչպես նաև հրթիռների և անօդաչու թռչող սարքերի կայանքները, որոնք տեղակայված են Հոդեյդա օդանավակայանում: