Ռուսաստանում ռազմական ինքնաթիռ է կործանվել

769

Երկուշաբթի, 24 մարտի, 2025 թ., 17:55

Ռուսաստանի Դաշնության Պրիմորսկի երկրամասում պլանային ուսումնական թռիչքի ժամանակ Սու-25 ինքնաթիռ է կործանվել, հայտնում է ՌԴ ՊՆ-ն։

Նրա խոսքով՝ թռիչքն իրականացվել է առանց զինամթերքի, իսկ ինքնաթիռը կործանվել է անմարդաբնակ տարածքում։ Օդաչուն կարողացել է կատապուլտվել:

ՌԴ պաշտպանության նախարարությունը պարզաբանել է, որ օդաչուին վայրէջքի վայրից տարհանել է որոնողափրկարարական խումբը, նրա կյանքին վտանգ չի սպառնում։ Գետնի վրա ավերածություններ չկան։ Նախնական տեղեկություններով՝ արտակարգ պատահարի պատճառը եղել է տեխնիկական անսարքությունը։