Հութիները հարվածել են Թել Ավիվի օդանավակայանին և ամերիկյան ռազմանավերին

Եմենի Անսար Ալլահ շարժումը (հութիներ) հարձակվել է Թել Ավիվի Բեն Հուրիոնի միջազգային օդանավակայանի վրա, հայտնում է Al Masirah հեռուստաալիքը՝ վկայակոչելով շարժմանը։
«Մեր հրթիռային ուժերը երկու բալիստիկ հրթիռներով հարվածել են Բեն Հուրիոնի օդանավակայանին»,- ասվում է հաղորդագրության մեջ։

Բացի այդ, հութիները հայտարարել են Կարմիր ծովում հրթիռների և անօդաչու սարքերի միջոցով ամերիկյան Harry Truman ավիակրի և մի քանի ռազմանավերի վրա հարձակման մասին։