Երկուշաբթի, 20 հոկտեմբերի, 2025 թ.
|
Ստեփանակերտում`   +18 °C

Բելգիայի դաշնային խորհրդարանում լսումներ կանցկացվեն ԼՂ-ի վերաբերյալ բանաձևի նախագծի շուրջ

Բելգիայի դաշնային խորհրդարանում լսումներ կանցկացվեն ԼՂ-ի վերաբերյալ բանաձևի նախագծի շուրջ
684
Երեքշաբթի, 25 մարտի, 2025 թ., 11:09

Բելգիայի դաշնային խորհրդարանի արտաքին հարաբերությունների հանձնաժողովի նախաձեռնությամբ ապրիլի 2-ին տեղի կունենան լսումներ Լեռնային Ղարաբաղի վերաբերյալ բանաձևի նախագծի շուրջ։

Բրյուսելում «Արմենպրես»-ի թղթակցի փոխանցմամբ՝ բանաձևի նախագիծն ամիսներ առաջ առաջարկվել է դաշնային պատգամավորներ Էլս Վան Հուֆի և Միշել դը Մաեգդի կողմից։

«Եթե Ադրբեջանը շարունակի խախտել միջազգային իրավունքը, անհրաժեշտ է, որ Եվրոպայի մակարդակով սահմանափակումներ կիրառվեն, և ԵՄ-ի հարաբերություններն Ադրբեջանի հետ վերանայվեն։ Սա է իմ բանաձևի կոչը»,- ասել է Էլս Վան Հուֆը։

Միշել դե Մաեգդը, իր հերթին, անընդունելի է համարել, որ հայ գերիները դեռևս անմարդկային պայմաններում պահվում են Բաքվի բանտերում։ Դաշնային պատգամավորը շեշտել է, որ միջազգային հանրությունը պետք է գործի։

Բանաձևի առաջարկված նախագծի առանցքային կետերի թվում են արցախահայության անվտանգ վերադարձն ապահովելու հարցը, Ադրբեջանի թշնամական հռետորաբանությունը դատապարտելը, տարածաշրջանում կայուն խաղաղության անհրաժեշտությունը, Բաքվում ապօրինի պահվող հայ գերիների ազատ արձակման կոչը, հայկական մշակութային ժառանգության պաշտպանությունն ու շատ այլ հարցեր։