«Իրանը դեռ չի պատասխանել Թրամփի նամակին»․ Արաղչի

Իրանը դեռ չի պատասխանել միջուկային ծրագրի վերաբերյալ ԱՄՆ նախագահի կողմից դիվանագիտական խողովակներով Իրանի գերագույն առաջնորդին փոխանցված նամակին, սակայն պատասխանը պատրաստման փուլում է, հայտնել է Իրանի ԱԳ նախարար Աբբաս Արաղչին՝ ՀՀ ԱԳ նախարար Արարատ Միրզոյանի հետ ասուլիսի ժամանակ։

«ԱՄՆ-ի հետ բանակցությունների հարցում մեր դիրքորոշումը հստակ է՝ առավելագույն ճնշումների, ռազմական սպառնալիքների, տնտեսական պատժամիջոցների ավելացման ֆոնին մենք երբեք չենք գնա ԱՄՆ-ի հետ ուղիղ բանակցությունների, սակայն Իրանը միշտ պատրաստ է բանակցել շահագրգիռ երկրների հետ՝ իր միջուկային ծրագրի շուրջ թափանցիկություն ապահովելու համար»,- հայտարարել է Իրանի ԱԳ նախարարը՝ հավելով, որ իր Իրանը երբեք չի հրաժարվել և չի հրաժարվի իր միջուկային ծրագրի շուրջ բանակցային գործընթացից։