«Ուկրաինայի և ՌԴ-ի հետ բանակցություններում զգալի առաջընթաց է գրանցվել»․ Թրամփ

Սաուդյան Արաբիայում ռուս-ուկրաինական կարգավորման շուրջ բանակցություններում ԱՄՆ-ն զգալի առաջընթաց է արձանագրել։ Այս մասին հայտարարել է ԱՄՆ նախագահ Դոնալդ Թրամփը՝ ԱՄՆ դեսպանների հետ հանդիպման ժամանակ։
«Առաջընթաց կա ոչ միայն Ռուսաստանի և Ուկրաինայի, այլ նաև Մերձավոր Արևելքի մասով»,- նշել է Թրամփը:
Նախագահի խոսքով՝ ԱՄՆ-ն շարունակում է «խորը քննարկումները» թե՛ Ուկրաինայի, թե՛ Ռուսաստանի հետ, և այդ գործընթացը լավ է ընթանում։
Հիշեցնենք, որ ԱՄՆ-ն Էր Ռիադում առանձին բանակցություններ էր անցկացրել Ուկրաինայի և Ռուսաստանի հետ, որոնց հիմնականում թեման հրադադարի հնարավորությունն էր։ Ուկրաինան համաձայնել էր Սև ծովում հրադադարի և «էներգետիկ հրադադարի» պայմաններին, իսկ Ռուսաստանը՝ միայն «էներգետիկ հրադադարին»՝ ծովում հրադադարի դիմաց պահանջելով, որ Արևմուտքը չեղարկի պատժամիջոցների մի մասը։