«ՌԴ-ի հետ հարաբերությունների կարգավորում չի լինի՝ անգամ ուկրաինական հակամարտության ավարտից հետո»․ Ռյուտե

Անգամ ուկրաինական հակամարտության ավարտից հետո Ռուսաստանի հետ հարաբերությունների կարգավորում չի լինի, իրավիճակը կշարունակի լարված մնալ։ Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն, փոխանցում է Reuters-ը։

«Ռուսաստանի հետ հարաբերությունների կարգավորում չի լինի՝ նույնիսկ ուկրաինական հակամարտության ավարտից հետո»,- ասել է ռազմական դաշինքի ղեկավարը։

Միաժամանակ Ռյուտեն հավելել է, որ Մոսկվան իրավունք չունի Հյուսիսատլանտյան դաշինքից պահանջելու հրաժարվել Ռուսաստանի սահմաններին մոտենալուց։ Նրա խոսքով՝ այս հարցը կապ չունի Ուկրաինայում հակամարտության խաղաղ կարգավորման հեռանկարների հետ և առանձին թեմա է։

Ավելի վաղ Ռյուտեն հայտարարել էր, որ Ուկրաինան չի անդամակցի ՆԱՏՕ-ին՝ զինված հակամարտությունը դադարեցնելու նպատակով խաղաղ բանակցությունների ավարտից հետո։ Նա հավելել է, որ խոսքը կարճաժամկետ հեռանկարի մասին է, սակայն ապագայում Կիևի անդամակցության շուրջ իրավիճակը կարող է փոխվել։