1 զոհ՝ Թուրքիայի հյուրանոցներից մեկում բռնկված հրդեհի արդյունքում

1266

Հինգշաբթի, 27 մարտի, 2025 թ., 10:48

Թուրքիայի Ուլուդաղ լեռնադահուկային հանգստավայրում հյուրանոց է այրվել, ինչի հետևանքով մեկ աշխատող է զոհվել։

Այս մասին հայտարարել է Բուրսայի քաղաքապետ Մուստաֆա Բոզբեյը։

Նրա խոսքով՝ հրշեջները չորս հոգու են փրկել։ Ենթադրաբար, հյուրանոցում նրանցից բացի ոչ ոք չի եղել։

Հյուրանոցը փակվել էր հյուրերի համար այն բանից հետո, երբ իշխանությունները հունվարին նրա գործունեության մի շարք թերացումներ էին հայտնաբերել և հրաժարվել նոր լիցենզիա տրամադրել: