«Ուկրաինան համաձայնել է հրադադարի՝ ցույց տալու, որ Պուտինը պատրաստ չէ դրան»․ Զելենսկի

Ուկրաինան համաձայնել է Ռուսաստանի հետ հրադադարի՝ աշխարհին ցույց տալու, որ Վլադիմիր Պուտինը խաղաղություն չի ցանկանում։ Այս մասին Ուկրաինայի նախագահ Վլադիմիր Զելենսկին հայտարարել է եվրոպական լրատվամիջոցներին տված հարցազրույցում։

«Կա Մերձավոր Արևելք, որն ինձ միշտ ասում էր, որ Պուտինը պատրաստ է անվերապահ հրադադարի: Ուկրաինան է, որ չի ուզում պատերազմն ավարտվի, Ուկրաինան է, որ խաղաղություն չի ցանկանում: Իմ քայլերով ես հստակ ցույց տվեցի, որ մենք պատրաստ ենք զինադադարի, բայց հիմա կտեսնեք, որ Պուտինը պատրաստ չէ դրան»,- ասել է Զելենսկին:

Երկրորդ պատճառն, ըստ Զելենսկու, այն էր, որ իրեն անհրաժեշտ էր վերականգնել ԱՄՆ-ի օգնությունն Ուկրաինային:

Զելենսկին նաև նշել է, որ այժմ, երբ Պուտինը հրաժարվել է հրադադարից, կցանկանար, որ ԱՄՆ նախագահը ճնշում գործադրեր իր վրա պատժամիջոցներով՝ ոչ թե դրանք վերացներ, այլ ուժեղացներ։