Երեքշաբթի, 06 հոկտեմբերի, 2026 թ.
|
Ստեփանակերտում`   +10 °C

«Գրենլանդիայի նկատմամբ իր հավակնություններում Թրամփը լուրջ է տրամադրված»․ Պուտին

«Գրենլանդիայի նկատմամբ իր հավակնություններում Թրամփը լուրջ է տրամադրված»․ Պուտին
870
Ուրբաթ, 28 մարտի, 2025 թ., 11:39

ՌԴ նախագահ Վլադիմիր Պուտինը նշել է, որ ԱՄՆ-ն լուրջ է տրամադրված Գրենլանդիան գրավելու իր մտադրություններում՝ ընդգծելով, որ այս գաղափարը «պատմական արմատներ ունի»:

Հունվարին ԱՄՆ նախագահ Դոնալդ Թրամփը չէր բացառել Գրենլանդիան վերահսկելու համար ուժի կիրառումը՝ նշելով, որ այն կարևոր է «տնտեսական անվտանգության» տեսանկյունից:

«Սա առաջին հայացքից կարող է տարօրինակ թվալ, բայց մեծ սխալ կլիներ մտածել, որ այս խոսակցությունները ԱՄՆ նոր վարչակազմի կողմից ինչ-որ անհեթեթ մտքեր են»,- ասել է Պուտինը՝ Ռուսաստանի Մուրմանսկ քաղաքում Արկտիկայի միջազգային համաժողովին:

Մարտի 26-ին Թրամփը հայտարարել էր, որ Արկտիկայի կղզու հարցում ԱՄՆ-ն պատրաստ է «գնալ այնքան հեռու, որքան անհրաժեշտ է», ինչը Դանիայի պաշտպանության նախարարությունը գնահատել է որպես լարվածության աճ:
Գրենլանդիան Դանիայի ինքնավար տարածք է, ՆԱՏՕ-ի անդամ-երկիր և ԱՄՆ-ի ավանդական դաշնակից:

Կարդացե՛ք նաև