Ձերբակալվել է Իմամօղլուի փաստաբանը

695

Ուրբաթ, 28 մարտի, 2025 թ., 13:39

Ստամբուլի կալանավորված քաղաքապետ Էքրեմ Իմամօղլուն սոցցանցերում հայտնել է, որ իր փաստաբանը կալանավորվել է։ Իմամօղլուն պահանջել է անհապաղ ազատ արձակել նրան։

«Իմ փաստաբան Մեհմեդ Փեհլիվանին կալանավորել են մտացածին հիմքերով»,- գրել է Իմամօղլուն X -ում։ «Ժողովրդավարության դեմ հեղաշրջումը կարծես քիչ էր, նրանք տանել չեն կարող, որ զոհերը պաշտպանեն իրենց»,- գրել է նա՝ հավելելով. «Անհապաղ ազա՛տ արձակեք իմ փաստաբանին»։

Ստամբուլի Ժողովրդահանրապետական կուսակցության պատգամավոր Թուրան Թաշքըն Օզերը նունյպես անդրադարձել է Իմամօղլուի փաստաբանի ձերբակալությանը՝ «Եվս մեկ շինծու մեղադրանք և ևս մեկ անօրինական կալանավորում։ Ինչ էլ անեք, չեք կարողանա թաքցնել ճշմարտությունը։ Ժողովուրդն ուժեղ է», X -ի իր էջում գրել է Օզերը։