Մյանմայում երկրաշարժի զոհերի թիվը գերազանցել է 1600-ը

1714

Շաբաթ, 29 մարտի, 2025 թ., 20:03

Մյանմայում տեղի ունեցած երկրաշարժի զոհերի թիվը գերազանցել է 1600-ը, մոտ 3400-ը վիրավորվել են, հարյուրավոր մարդիկ մնացել են փլատակների տակ, հայտնում է Xinhua-ն։

Մյանմայի կառավարությունը հայտնել է, որ 1644 մարդ մահացած է հայտնաբերվել, 3408-ը՝ վիրավորվել են, 139-ը՝ համարվում են անհետ կորած։

Ուրբաթ Մյանմայում տեղի ունեցած հզոր երկրաշարժի զոհերի թիվը, ամենայն հավանականությամբ, կավելանա, քանի որ փրկարարական աշխատանքները շարունակվում են: