Ամերիկացի սենատորն արդեն 21 ժամ է` ելույթ է ունենում ընդդեմ Դոնալդ Թրամփի վարչակազմի. ՈՒՂԻՂ ՄԻԱՑՈՒՄ

1366

Չորեքշաբթի, 02 ապրիլի, 2025 թ., 00:33

ԱՄՆ-ի Նյու Ջերսի նահանգի դեմոկրատ սենատոր 55-ամյա Քորի Բուքերն արդեն ավելի քան 2 տասնյակ ժամ ելույթ է ունենում Սենատում՝ ընդդեմ նախագահ Դոնալդ Թրամփի վարչակազմի։ Ելույթի հեռարձակումը YouTube-ում սկսվել է 21 ժամ առաջ, իսկ լուրը գրելու պահին քաղաքական գործիչը շարունակում է խոսել։

Հեռարձակմանը կից հաղորդագրության մեջ ասվում է. «Բուքերը կխոսի այնքան ժամանակ, քանի դեռ նա ֆիզիկապես ի վիճակի կլինի լսելի դարձնել ամերիկացիների ձայները, ովքեր տուժում են և նրանց չեն լսում ճգնաժամի այս պահին: Դոնալդ Թրամփը, Իլոն Մասկը և վարչակազմը ցույց են տվել օրենքի գերակայության, Սահմանադրության և ամերիկացի ժողովրդի կարիքների նկատմամբ կատարյալ արհամարհանք»:

Հեռարձակման միաժամանակյա դիտողների թիվը գերազանցում է 50 հազարը։