Ռուսաստանը 3 ամսում ավելի քան 10000 կառավարվող ավիացիոն ռումբ է նետել Ուկրաինայի վրա

665

Չորեքշաբթի, 02 ապրիլի, 2025 թ., 00:55

2025 թվականի առաջին երեք ամսում ռուսական զորքերը 10577 կառավարվող ավիացիոն ռումբ (ԿԱՌ) են նետել Ուկրաինայի վրա, հաղորդում է Ուկրաինայի պաշտպանության նախարարության մամուլի ծառայությունը։
«Մարտին ռուսական բանակի ավիացիան ավելացրել է կառավարվող ավիացիոն ռումբերի օգտագործումը՝ մոտ 4800 (փետրվարին՝ 3370): 2025 թվականի ընդամենը երեք ամսում ռուսական մարտավարական ավիացիան 10577 ԿԱՌ է բաց թողել»,- ասվում է Ուկրաինայի պաշտպանության նախարարության մամուլի ծառայության հաղորդագրության մեջ։

Տեղեկատվության մեջ նշվում է, որ անցյալ տարի Ռուսաստանը Ուկրաինայի դեմ օգտագործել է մոտ 40 հազար կառավարվող ավիառումբ։

Բացի այդ, ըստ գերատեսչության, հրադադարի բանակցությունների ֆոնին մարտին փետրվարի համեմատ ավելացել է ռազմական բախումների թիվը՝ 4270՝ 3274-ի դիմաց։