Նեթանյահուի սկանդալային այցից առաջ Հունգարիան դուրս է գալիս ՄՔԴ-ից
![]() 339 Երեկ, 18:21 Հունգարիայի արդարադատության նախարար Բենս Տուսսոնը դեսպանների հետ փակ հանդիպման ժամանակ հայտարարել է, որ երկիրը դուրս կգա Միջազգային քրեական դատարանից (ՄՔԴ), հայտնում է «Ազատություն ռադիոկայան»-ը։ Որոշումն ընդունվել է մի քանի շաբաթ առաջ, սակայն կառավարությունն սպասում էր ԱՄՆ-ի նախագահ Դոնալդ Թրամփի արձագանքին այդ հարցում։ Szabad Europa-ի աղբյուրի համաձայն, այն բանից հետո, երբ Թրամփը փետրվարի 5-ին հայտարարեց ՄՔԴ-ի դեմ պատժամիջոցների մասին՝ կապված Իսրայելի վարչապետ Բենիամին Նեթանյահուի ձերբակալման հրամանի հետ, Հունգարիայի կառավարությունը դա ընդունեց՝ որպես կանաչ լույս: Դուրս գալու ընթացակարգը ենթադրում է բանաձևի նախագիծ ներկայացնել խորհրդարան, և եթե այն ընդունվի ձայների մեծամասնությամբ, ապա պաշտոնապես կսկսվի ՄՔԴ-ից դուրս գալու գործընթացը: Եվրոհանձնաժողովը հաստատել է, որ տեղեկություն է ստացել ՄՔԴ-ից դուրս գալու՝ Հունգարիայի մտադրության մասին, սակայն Հունգարիայի կառավարությունից պաշտոնական ծանուցում չի ստացել: Հիշեցնենք, որ չորեքշաբթի երեկոյան Իսրայելի վարչապետ Բենիամին Նեթանյահուն կժամանի Հունգարիա և այցով կմնա այնտեղ մինչև կիրակի առավոտ։ Նեթանյահուն կհանդիպի Հունգարիայի վարչապետ Վիկտոր Օրբանի հետ, ով նոյեմբերին մերժել էր Միջազգային քրեական դատարանի՝ Իսրայելի վարչապետին ձերբակալելու որոշումը Գազայում ենթադրյալ ռազմական հանցագործությունների համար։ Քանի որ Հունգարիան ՄՔԴ-ի անդամ է, նա պարտավոր է ձերբակալել Նեթանյահուին, երբ նա մտնի իր տարածք։ |
«Ինչին կպան՝ ավիրեցին»․ Կոնստանտին Տեր-Նակալյան
2315:24«Բա քո վարորդական իրավունքը չստուգեցի՞ր, որ նստեցիր երկրի ղեկին»․ Նարեկ Գալստյան
8115:00«Բանկերը չեն պաշտպանում հաճախորդներին»․ ակցիա՝ Ինեկոբանկի դիմաց (տեսանյութ)
6114:54«Ոստիկաններն ու քաղաքապետարանը կոպիտ են վերաբերվում փողոցներում խաղալիք վաճառողների հետ»․ Գառնիկ Դանիելյան
11414:24«Կիրանցում գարնանացան չի արվել»․ Ոսկան Սարգսյան
8913:36«Հնարավոր է մի օր էլ ՀՀ իշխանությունն ասի՝ Արցախում էթնիկ զտում չի եղել»․ Արամայիս Աղաբեկյան (տեսանյութ)
16312:18«Վարորդական իրավունքները համատարած կեղծ են»․ Նիկոլ Փաշինյան (տեսանյութ)
10112:00Արցախցիների բողոքի ակցիան՝ կառավարության շենքի դիմաց․ ՈՒՂԻՂ ՄԻԱՑՈՒՄ (տեսանյութ)
28211:36