Կիրակի, 22 փետրվարի, 2026 թ.
|
Ստեփանակերտում`   +3 °C

Քուվեյթը խոստում է տվել Իրանին` չդառնալ տարածք Իսրայելի ագրեսիայի համար

Քուվեյթը խոստում է տվել Իրանին` չդառնալ տարածք Իսրայելի ագրեսիայի համար
805
Չորեքշաբթի, 02 ապրիլի, 2025 թ., 20:21

Իրանի նախագահ Մասուդ Փեզեշքիանը չորեքշաբթի կեսօրին հեռախոսազրույց է ունեցել Քուվեյթի էմիր Նավաֆ ալ-Ահմադ ալ-Ջաբեր ալ-Սաբահի հետ, հայտնում է Mehr-ը։

Հեռախոսազրույցի ընթացքում Ալ-Սաբահը հաստատել է, որ իր երկիրը գնահատում է Թեհրանի հետ իր բարեկամական հարաբերությունները և ընդգծել, որ Քուվեյթը թույլ չի տալիս և երբեք թույլ չի տա, որ իր տարածքից որևէ ագրեսիա իրականացվի այլ երկրի դեմ, քանի որ այդ դիրքորոշումը «խորապես ամրագրված է սահմանադրությամբ և անփոփոխ կմնա ցանկացած պարագայում»:

Ինչպես հաղորդում է իսրայելական i24NEWS հեռուստաալիքը, Սաուդյան Արաբիան, Կատարը և Քուվեյթը հրաժարվել են իրենց ավիաբազաները տրամադրել Իրանի վրա հնարավոր հարձակումների համար։ Երկուշաբթի առավոտյան Պարսից ծոցի երեք երկրներ գաղտնի ծանուցել են Թեհրանին, որ թույլ չեն տա ԱՄՆ-ին իրենց տարածքից ռազմական գործողություններ սկսել Իրանի դեմ։ Աղբյուրը նաև հաստատել է, որ Սաուդյան Արաբիան և Քուվեյթը հայտնել են իրանական կողմին, որ արգելքը վերաբերում է ոչ միայն հարվածներին, այլ նաև օժանդակ գործողություններին, այդ թվում՝ ցանկացած առաքելության ժամանակ ամերիկյան լիցքավորիչ ինքնաթիռների կամ հետախուզական ինքնաթիռների լիցքավորմանը:

Կարդացե՛ք նաև