Վրաստանի իշխանությունները կրճատել են առանց վիզայի մնալու ժամկետն ուկրաինացիների համար

Վրաստանի իշխանությունները կրճատել են երկրում առանց վիզայի մնալու ժամկետն ուկրաինացիների համար՝ համաձայն Վրաստանի օրենսդրական տեղեկագրում հրապարակված կառավարության որոշման:
«Ուկրաինայի քաղաքացիներն իրավունք ունեն Վրաստան մուտք գործել առանց վիզայի և մնալ երկրում 1 տարի՝ նախկին 3 տարվա փոխարեն։ Ուկրաինայի քաղաքացիները, ովքեր Վրաստան են մտել մինչև 2025 թվականի փետրվարի 24-ը, կարող են երկարաձգել իրենց գտնվելու ժամկետը մինչև 2026 թվականի փետրվարի 24-ը»,- ասվում է փաստաթղթում։
2023 թվականին Վրաստանի կառավարությունը երկարացրել էր առանց վիզայի ռեժիմն Ուկրաինայի քաղաքացիների համար՝ 1 տարուց դարձնելով 2, իսկ 2024 թվականի ապրիլին՝ 2 տարուց 3 տարի։