«Տիգրան Խաչատրյանն ասաց՝ «40+10»-ին վերադարձ չկա»․ Մարիամ Աբրահամյան

488

Հինգշաբթի, 03 ապրիլի, 2025 թ., 19:24

ՀՀ կառավարությունից հրավիրել են Արցախցիների իրավունքների պաշտպանության խորհրդի ներկայացուցիչներին՝ այսօր հանդիպելու փոխվարչապետ Տիգրան Խաչատրյանի հետ և քննարկելու նրանց պահանջները: Արցախիցները հավաքվել են կառավարության շենքի մոտ՝ հանրայնորեն վերահաստատելու իրենց պահանջները։

«Ներկայացրել էինք 12 կետից բաղկացած պահանջ․ փոխվարչապետ Տիգրան Խաչատրյանն ասաց, որ այսօր միայն սոցիալական ուղղվածությանը վերաբերող կետի շուրջ կարող է մեզ հետ քննարկում իրականացնել։

Հստակ էր նրա պատասխանը․ «40+10» ծրագրին հետդարձ ճանապարհ չկա։ Մշակվել է հավելյալ ծրագիր»,- հանդիպումից հետո հայտարարեց «Արցախի մայրիկների աջակցման կենտրոն» ՀԿ հիմնադիր Մարիամ Աբրահամյանը։
Նա նաև հավելեց, որ Արցախցիների իրավունքների պաշտպանության խորհրդի անդամները քննարկում կիրականացնեն՝ իրենց հետագա անելիքները որոշելու համար։