«Թեհրանը պատրաստ է բանակցել ԱՄՆ-ի հետ՝ հավասար պայմաններով»․ Փեզեշքիան

Իրանի նախագահ Մասուդ Փեզեշքիանը հայտարարել է, որ Թեհրանը պատրաստ է ԱՄՆ-ի հետ բանակցել հավասար պայմաններով, այլ ոչ թե սպառնալիքների ներքո։

«Եթե բանակցություններ եք ուզում, ի՞նչ իմաստ ունի սպառնալիքներ հնչեցնել, այսօր Վաշինգթոնը նվաստացնում է ոչ միայն Իրանին, այլև ամբողջ աշխարհին, այս պահվածքը հակասում է բանակցությունների կոչին»,- ասել է Փեզեշքիանը:

Ավելի վաղ Վաշինգթոնը նախազգուշացրել էր, որ ԱՄՆ վարչակազմը միջոցներ կձեռնարկի, եթե Թեհրանը հրաժարվի բանակցություններ վարել իր միջուկային ծրագրի շուրջ։ Պետքարտուղարությունը ևս մեկ անգամ ընդգծել է, որ Իրանը երբեք չպետք է միջուկային զենք ունենա։

Թեհրանը կոչ է արել Վաշինգթոնին ընտրել դիվանագիտական ​​ճանապարհը՝ ընդգծելով, որ առկա խնդիրների ռազմական լուծումն անընդունելի է։