Մուսուլման գիտնականների միջազգային միությունը ֆեթվա է ընդունել ընդդեմ Իսրայելի

Մուսուլման գիտնականների միջազգային միությունը ֆեթվա է հրապարակել՝ կոչ անելով «զինված ջիհադ» սկսել Իսրայելի դեմ՝ ի պատասխան Գազայի հատվածում շարունակվող ցեղասպանության։ Դուբլինում գործող կազմակերպության կողմից հրապարակված փաստաթուղթը պարունակում է մի շարք խիստ պահանջներ՝ ուղղված աշխարհի մուսուլմանական երկրներին և համայնքներին: Ֆեթվան ընդգծում է, որ Իսրայելի դեմ զինված ջիհադը իսլամական աշխարհի յուրաքանչյուր ընդունակ մուսուլմանի պարտականությունն է՝ իր հնարավորություններին ու կարողություներին համապատասխան։

Ֆեթվայի հիմնական դրույթներից է «Իսլամական ռազմական դաշինք» ստեղծելու կոչը՝ մուսուլմանական ումման պաշտպանելու և ագրեսորներին զսպելու համար, որը հայտարարված է՝ որպես կրոնական պարտականություն, որը պահանջում է անհապաղ իրականացում: Փաստաթուղթը նաև պնդում է «Սիոնիստական ​​օկուպացիոն ռեժիմի» ամբողջական շրջափակումը ցամաքով, ծովով և օդով, ներառյալ իսլամական երկրների ջրային ուղիների, նեղուցների և օդային տարածքների վերահսկողությունը:

Ֆեթվան պարտավորեցնում է բոլոր իսլամական երկրներին ռազմական օգնություն ցուցաբերել պաղեստինյան դիմադրությանը՝ նրան աջակցելով ռազմական, ֆինանսական, քաղաքական և իրավական միջոցներով։ Բացի այդ, այն արգելում է Իսրայելին նավթի, գազի և ցանկացած այլ ռեսուրսների մատակարարումը, որը կարող է նպաստել ագրեսիայի շարունակմանը։ Իսրայելի հետ բոլոր ձևերով հարաբերությունների կարգավորումն անընդունելի է ճանաչվել, իսկ մի շարք արաբական երկրների կողմից «օկուպացիոն ռեժիմի» հետ կնքված խաղաղության համաձայնագրերը ենթակա են վերանայման։

Առանձնահատուկ ուշադրություն է դարձվում Գազայի բնակիչների ֆինանսական աջակցությանը, որը կոչվում է պարտադիր «ֆինանսական ջիհադ»։ Ֆեթվան պահանջում է անհապաղ բացել սահմանային անցակետերը՝ մարդասիրական օգնություն տրամադրելու համար։ Ամերիկայի մուսուլմանական համայնքները կոչ են անում Դոնալդ Թրամփի վարչակազմին կատարել նախընտրական խոստումները՝ դադարեցնելու ագրեսիան և նպաստելու խաղաղությանը: